Skip to content

AHAS: Noy magkakasakit; JPE ‘mahuhubaran’

January 6, 2013

Ni JOSEPH GREENFIELD
Bandera resident  psychic

Ikalimang serye
HINDI maka-liligtas ang politika at administrasyong Aquino sa kamandag ng Itim na Ahas.

Sa unang yugto ng taon, sa buwan ng Enero hanggang  Abril, sa mga petsang 2, 4, 13, 17, 24 at 25, sa mga araw ng  Lunes, Martes at Huwebes, magkakasakit ang Pangulo.

Habang  nasa loob ng pribadong ospital, mahuhubaran sa panunungkulan bilang Senate President si Juan Ponce Enrile, upang palitan ng senador na kaalyado ng Pangulo sa Liberal Party.

Matapos mapalitan si Senate President Juan Ponce  Enrile, mabubuhay ang career ni Sen. Panfilo Lacson sa muli niyang pag-upo bilang kalihim ng makapangyarihang ahensiya sa gobyerno, kasabay ang malawakang balasahan sa Gabinete, na  ikatutuwa ng marami.

Isa sa mga masisibak ay ang kinaiinisan ng media na si Secretary Ramon Paje ng DENR.Ang mga pangyayaring ito ay magaganap sa unang hati ng taon, sa buwan ng Enero hanggang Abril sa mga petsang 7, 11, 14, 15, 16, 21 sa araw ng Lunes, Martes at Biyernes.

Si Sen. Miriam Santiago, kung hindi pa rin makaaalis ng bansa upang tupdin ang tungkulin sa International Law Community, sa buwan ng Pebrero hanggang Hunyo, sa mga petsang 3, 12, 21, 9, 18, 27, 5, 14, 23, 8, 17 at 26, sa mga araw ng Sabado, Biyernes, Linggo, Lunes at Martes, dadapuan siya ng malubhang karamdaman, sapat upang mahabang panahon siyang mamamahinga at hindi muna magagawa ang katungkulan bilang senador.

Sa ikalawang hati ng taon, habang pumapasok ang tag-araw at bumubungad ang tag-ulan, sa buwan ng Abril hanggang Hulyo, sa mga petsang 6, 13, 22, 20, 21 at 30, sa mga araw ng Biyernes, Sabado at Linggo, dalawang malalakas na pagsabog sa MRT at LRT ang itatala na isisisi sa mga teroristang kunwaring nakapasok sa Metro Manila.

Kasabay nito, magkakasakit si Speaker Sonny Belmonte, kusang bababa sa kanyang katungkulan.

Habang nagpapagamot sa ibang bansa,  papalitan siya ng mas batang mambabatas.

Sa panahong tinuran, uugong ang dalawang panukalang batas na ikagagalit ng Simbahang Katolika at konserbatibong mamamayan.

Ang Batas sa Diborsyo at ang Batas sa Abortion ay papasa.

Sa umpisa parang mahihirapan itong makalusot upang maging batas, ngunit dahil sa kamandag ng Itim na Ahas, ang dalawang kambal na imoral na panukala ay ganap ding magiging batas sa pagtatapos ng taon 2013.

Sa panahong matindi ang deliberasyon at debate ng pangkaniwang mamamayan hinggil sa panukalang batas, pagtatangkaan ang buhay ng Pangulo sa mabilis at biglang asasinasyon.

Habang sa panahong naturan, sa kalagitnaang hati ng taon sa buwan ng Hunyo hanggang Setyembre, sa mga petsang 2, 11, 20, 21, 22 at 30 sa mga araw ng Huwebes, Biyernes at Sabado, lalong lalala ang girian ng China at Pilipinas hinggil sa pinag-aawayang mga isla.

Kasabay nito lihim na dadagsa sa baybaying dagat ng Pilipinas, galing Hawaii, ang  malalaking bapor de gera ng US at iba’t-ibang high tech na eroplano.

Tatapusin

No comments yet

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: