Skip to content

SPOTLIGHT: Hindi naman’yan pinaplano — ZSA ZSA

November 12, 2012

Kung iibig pa ba siyang muli:

KUNG makikita mo ngayon ang Divine Diva na si Zsa Zsa Padilla ay mapapaisip ka talaga kung ganoon nga ba ang itsura ng isang nagluluksang biyuda dahil talagang nagniningning ang kanyang itsura.

Sigurado naman kami na nagdadalamhati pa rin si Zsa Zsa dahil araw-araw niyang nami-miss ang kanyang “Lovey,” ang  yumaong Comedy King Dolphy.

Masarap kakuwentuhan si Zsa Zsa dahil isa siya sa mga kakilala namin na mayroong lalim.

Totoong inihuli ni Tito Dolphy ang pinakanatatangi babae sa buhay niya.

Ano ang plano mo para sa All Saints’ Day? Ito ang unang pagkakataon na wala ang iyong Lovey?
Mangingibang-bansa ako, pero may plano ang pamilya para kay Dolphy.

Dahil nga malaki kaming pamilya, iba-iba ang iskedyul namin sa pagbisita sa  puntod niya.

Napapanaginipan mo pa ba siya?
Kapag hinihiling ko lang na “Gusto kitang makita.” Ngunit nitong mga nagdaang araw, hindi ko na siya napapanaginipan.

Siguro dahil umiiyak ako kapag nagising na ako matapos managinip kaya hindi na siya nagpapakita sa aking mga panaginip. Ayaw niya na nakikita akong umiiyak.

Paano pa niya pinaparamdam ang kanyang presence?
Nang nag-abroad kami kamakailan ni Zia, isa sa mga paborito niyang kanta na “What a Wonderful World,” ang bigla na lamang tinugtog.

Napangiti ako dahil ito ang paraan niya para sabihin na nasa paligid lamang siya.

May plano ka pa bang umibig muli?
Hindi naman ‘yan pinaplano.

Dumarating na lang.

Bukod dito, kung sakaling dumating ang bagong lalake, talagang malaking sapatos ang kanyang pupunan.

Dapat niyang maintindihan na si Dolphy ay mananatiling parte ng aking buhay.

Ngayon na may tattoo ako na “Lovey,” baka itaboy na ang mga gustong manligaw (sabay tawa). Sa ngayon, masaya ko na nasa tabi ko ang alaga kong aso.

Ano ang pinakamahirap sa pagpapalaki ng iyong mga anak na babae ngayong wala na si Dolphy?
Maswerte ako at ang aking mga anak na babae ang pinagkukunan ko ng aking lakas.

May mga pagkakataon na imbes na ako ang mag-alaga sa kanila, sila ang nag-aalaga sa akin.

Kung kumilos sila, para na silang nanay.

Ginagawa namin ngayon ni Zia ang isang duet album.

Kasama ang kantang sinulat ko para kay Dolphy na “I Turn to You.”

Kinanta ko ito nang nabubuhay pa siya.

Nagbukas naman si Karylle ng kanyang ikatlong branch ng Centerstage sa Mall of Asia.

Sinabi ko sa kanya na dalasan niya ang pag-arte dahil mas tumatagal ang mga artista sa showbiz kaysa sa mga singers.…kagaya ko, pwede akong gumanap bilang lola pero ang boses ko tatanda rin.

Kahit na ang pagkanta ang passion ko sa habambuhay, hindi magiging pareho ang boses ko noong nag-uumpisa pa lamang ako.

Ano ang pakiramdam mo na wala ka nang kanser?
Talagang close call iyon.

Walang duda na binulungan ni Dolphy ang Panginoon na pagalingin ako.

Naisip ko na hindi lang ang ating kinakain, kundi kung ano ang kumakain sa atin ang mahalaga.

Kaya, umiiwas ako sa lahat ng klase ng negativity.

No comments yet

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: