Skip to content

RICHARD napikon, dinakdan ang mga tsismosa sa TWITTER

September 19, 2012


“Magtampo kayo hangga’t gusto n’yo.

Wala akong magagawa kahit umusok ang ilong n’yo.

Alam ng Diyos kung bakit hindi ako nakapunta sa SFO. Tnx.”

Ito ang maanghang na mensahe ni Richard Gomez sa Twitter account niya na ikinagulat ng marami dahil imbes na lambingin niya ang mga kababayan nating Pinoy sa US ay ito pa ang naging reaksiyon niya.

Ang aktor lang kasi ang hindi nakasama sa ginanap na One Kapamilya Go at the Great America noong Sabado sa San Francisco para sa promo tour ng Walang Hanggan

Naroon sina Dawn Zulueta, Melissa Ricks, Paulo Avelino, Joem Bascon, Julia Montes at Coco Martin para personal na pasalamantan ang mga kababayan nating nanonood ng Walang Hanggan na handog ng TFC bukod pa sa nakatakda rin silang mag-taping doon ng ilang mga eksena.

May hold departure order pala si Goma kaya hindi siya nabigyan ng visa dahil sa kaso niyang tax evasion na isinampa sa kanya ni DOJ Acting Secretary Agnes Devanadera noong 2007 dahil sa hindi niya na-deklara ng tama ang kinita niya noong 2001 na nagkakahalaga ng P1.8 million at noong 2002 na umabot sa P1.02 million bukod pa sa kinita niya sa limang pelikulang ginawa niya at mga endorsements.

Bukod dito ay nakabili rin siya ng bahay sa North Forbes Park na nagkakahalaga ng P52 million.

At pagkatapos magbitaw ng salita ng actor ay nagbigay naman siya ng official statement tungkol sa hindi niya pagpunta sa One Kapamilya Go at the Great America, “Sa mga Kapamilya namin sa TFC, pasensiya na po na hindi ako nakasama ngayon diyan sa San Francisco dahil mayroon po akong biglaan na kailangang asikasuhin dito sa Pilipinas.

“Maraming-maraming salamat po sa pag-suporta  sa Walang Hanggan.

Kayo po ang naging inspirasyon namin para pagandahin ng husto ang Walang Hanggan. Magkita-kita po tayo sa susunod. Salamat po ulit.”

No comments yet

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: