Caroling sa kalye: bakit di mahinto?

ILANG mga  batas at ordinansa na ang ipinasa ng mga lungsod sa Metro Manila na bawal magbigay sa mga nangangaroling sa kalye, pero mas lalong dumami ang mga nangangaroling.  Di lamang sa mga pribadong sasakyan, umaakyat na rin sila sa mga bus at pampasaherong jeepney at “namamasko.”  Noong 2008 ay sinubukang manghuli ng mga pulis-QC at kawani ng DSWD ng mga nangangaroling sa kalye, sa Balintawak, pero, tulad ng nangyari, hanggang subok lang.

The Law of Compensation at si GMA; atbp.

NATATAKOT si Quezon City Judge Luisito Cortez na hawakan ang multiple murder case laban kay Andal Ampatuan Jr. dahil daw baka may masamang mangyari sa kanya at sa kanyang pamilya.
Ang kaso laban kay Andal Jr. ay itinuturing na landmark case sa Philippine judicial system dahil sa pagiging prominente nito.
Ang judge na hahawak nito ay tiyak na sisikat dahil sa publisidad o coverage ng radyo at telebisyon.
Sabi ni Cortez, na nakabunot sa kaso sa isang raffle na ginanap, “Aanhin mo ang pagiging sikat kung wala ka nang pamilya.”
P@!$%^& ka! Masahol ka pa sa asong kinapon!
Bakit mo pa tinanggap ang appointment mo bilang hukom kung wala kang yagbols.
Huwag mong sabihin na di mo alam na may nakaambang panganib sa pagiging huwes.
O sobra ang pagkabobo mo kaya’t di mo alam na may inherent risk ang trabaho ng isang judge?

Bakit ka nag-judge kung takot ka pala?

“MAMANG pulis! Mamang pulis! May hinohostage po sa may kanto!” sigaw ng bata nang makakita ng pulis pagkatapos ng kalahating oras na paghahanap sa alagad ng batas.
“Nasaan siya ngayon? Ilan ba sila”
“Naroon po siya sa may kanto, at isa lang po siya,”tugon ng bata, sabay turo sa may likuran, sa kanyang pinanggalingan, sa may pinagtitipunan na ng mga tao.
“Halika, puntahan natin.”

Paloloko ka na naman ba sa politiko?

“THE nation faced a rebellion that could have ignited total chaos in Maguindanao and likely spread throughout Mindanao. As President, I have a Constitutional obligation to defend this nation from internal rebellion just as we do external aggression,” ani Pangulong Arroyo sa kanyang pagtatanggol sa deklarasyon ng martial law sa Maguindanao.
Nang dahil sa martial law, mahigit 600 katao ang hinuli, pati na ang mga utak at pangunahing sangkot sa masaker, libu-libong malalakas na armas ang nasamsam at mahigit kalahating milyong bala ang kinumpiska.
Nagpaliwanag din noon ang yumaong Pangulong Ferdinand Marcos nang ideklara niya ang martial law. Nakumpiska ang isang maliit at karag0karag na barko na puno ng mahahabang armas, pero di ito maituturing na sinlakas ng M16 at M14.

BANDERA “One on One”: Keempee De Leon

“BAKLA! Bakla! Bakla!” ‘Yan ang isa sa mga natatanggap na biro ni Keempee de Leon mula sa mga taong tuwang-tuwa sa pagganap niyang bading sa mga teleserye ng GMA 7.
Mukhang nasanay na nga ang mga tao na makita si Kimpoy na gumaganap na gay sa mga programa sa TV at mukhang magtatagal pa ito dahil effective naman ang ginagawa niyang pagbading-badingan.
Pero sabi ni Keempee, ayaw naman daw niyang habambuhay na lang siyang gaganap na bading, may gusto pa raw siyang patunayan sa pagiging aktor niya aside from portraying gay roles. Hulaan n’yo kung ano ang type gampanan ni Keempee sa susunod niyang project sa GMA – gusto naman daw niyang maging kontrabida.
Sa pakikipagchikahan ng BANDERA kay Keempee, nai-share niya ang tungkol sa kanyang 14-year-old na anak na si Samantha at ang mga naunsiyami niyang pag-ibig.

Ang sekreto ng pag-unlad; atbp.

MAY nakapagsabi sa inyong lingkod na nakita si Andal Ampatuan Jr. na nagsisinghot ng kung ano sa loob ng selda ng National Bureau of Investigation (NBI) headquarters.
Isang taga-NBI ang nagsabi na si Andal Jr. ay isang confirmed drug addict, na tatlong beses na itong na-rehabilitate.
Kaya pala sinasabi niyang merong multo sa kanyang selda dahil siya’y nag-hallucinate.
Ang isang gumagamit ng shabu o cocaine ay madalas nagha-hallucinate. Nakakakita sila ng kung anu-ano na wala naman doon.
May malaking posibilidad na noong pinamunuan niya ang masaker ng 57 katao, siya’y bangag sa shabu o cocaine.
Normal ba yung isa-isa mong pagbabarilin pa ng ilang beses sa kanilang mukha at private parts ang mga taong nangingisay na matapos silang paputukan?
Isang demonyo lang ang makakagawa ng ginawa ni Andal Jr. sa mga biktima.
Maaaring naging demonyo si Andal Jr. at ang kanyang mga tauhan dahil bangag na bangag sila.
* * *

Wala bang Diyos?

NASAAN ang Diyos? Nakita mo ba ang Diyos sa Maguindanao? O, likas ngang walang Diyos?
Sa tuwing namamayani ang kasamaan sa kabutihan, sa tuwing iginugupo ng simbilis ng kidlat ang kabutihan ng kasamaan, sa tuwing tinatakasan ng katinuan ang dapat sana’y nakaaalam (Hitler, Stalin, Lenin, Mao, Melosevic, Sadam, Ampatuan, atbp.), sumasagi sa isipan at itinatanong ng damdamin na wala talagang kapangyarihan ang Diyos.
O, may puwang ba ang kabutihan sa Maguindanao? Dumaan ang napakahabang panahon simula nang manungkulan ang mga Ampatuan, nasaan ang kabutihan? May kabutihan pa sa paligid at mga may kapangyarihan na kahit di sinasaktan ang taumbayan ay pinanatili naman silang mangmang at mahihirap? May kabutihan bang manatili silang nabubuhay ng payak na may takot sa tao at hindi sa Diyos?

Martial law sa Metro Manila? Ows!

CIVILIAN volunteers line up to surrender their firearms in Datu Piang, Maguindanao. MARCONI NAVALES

NANANAKOT ba si Human Rights Commissioner Leila de Lima nang magbabala siya na idedeklara ang martial law sa Metro Manila kapag ilipat dito ang lahat na bista ng mga Ampatuan? O ibig lang niyang ma-headline na naman ng mga dyaryo ? Sa babala ni De Lima, tiyak pagpipiyestahan siya ng mga tabloid at radyo. Tiyak, sikat na naman siya.

Patunay na katiting lang ang alam ni De Lima sa Maguindanao. Patunay na di kilala ni De Lima ang mga Ampatuan.

Aha! Ang basehan pala ni De Lima ay ang umano’y ulat ng NBI na maaaring i-rescue ng mga supporters ng Ampatuan ang nakakulong na sa Andal Jr.

Ganun?

Pabor sa mga Ampatuan ang martial law; atbp.

BAKIT nagdeklara ng martial law ang Pangulong Gloria sa Maguindanao gayong di naman ito kailangan? Ayon sa maraming abogado na aking nakapanayam, pabor daw sa mga Ampatuan ang martial law. Ang mga Ampatuan ang pinaghihinalaang suspect sa kalunos-lunos na pagpatay ng 57 katao, kasama na ang 30 journalists. Idineklara ni GMA ang martial law sa Maguindanao dahil, ayon sa kanyang mga alipores, paghihimagsik o rebellion ng mga Ampatuan ang dahilan. Paghihimagsik? Wala sa isip ng mga gumawa ng kahindik-hindik na krimen nang pinagpapatay nila ng walang awa ang mga Mangudadatu, na kanilang kaaway na mortal, at mga mamamahayag. Ang kanilang motibo ay upang mailigpit ang mga Mangudadatu at mga journalists na magiging testigo kung di sila patayin din. Ang rebellion, na isang political crime, ang mga krimeng murder, illegal possession of firearms at kahit panggagahasa. Ang mga krimeng murder, illegal possession of firearm at rape, na ginawa ng mga salarin, ay ina-absorbed ng rebellion.

Bandera’s Bantay Boto update

We had interviewed some  presidential wannabes even before election fever gets more intense.  Now, the race seems down to a few names who have already declared their candidacy — Manny Villar, Gilbert Teodoro, Noynoy Aquino and  Erap Estrada.  We are awaiting Chiz’s last word whether he is running or not.  We would want to hear your opinion about these presidential wannabes.  Feel free to ask us questions about them, their position on certain issues and we will relay these to them and we will try to get their answers at once.

Dona Policar, Associate Editor

BANDERA, 110309

Huwag ’sakyan’ ang Maguindanao massacre

SA tuwing may kahindik-hindik na pangyayari, tulad ng Maguindanao massacre noong Lunes, nag-uunahan sa media ang mga politiko, lalo na ang ating mga binubuhay sa Senado na hindi naman nagtatrabaho para maibsan ang kahirapan at kamangmangan sa bansa.  Sa isang iglap ay mga dalubhasa agad sila at kung anu-anong tumataginting na mga opinyon ang lumalabas sa bunganga.  Maging matalino tayo.  Huwag tayong maniwala sa mga sumasakay sa isyu para lamang maging sikat sila.  Palaging isaisip na mas matalino tayo sa kanila dahil hindi natin ginagamit ang mga nasawi para sa ating personal na kasikatan.  Ang kailangan ng mga biktima ay hustisya–at panalangin sa kabilang buhay.

LITO BAUTISTA, Executive Editor

BANDERA, 112409

Duwag ang mga Ampatuan

Wake for the slain Media men

KUNG hindi lang nagalit ng sukdulan ang sambayanang Pilipino at ang mundo dahil sa masaker sa Maguindanao, sa akala mo ba ay iuutos ni Pangulong Gloria na dakpin at disarmahan ang mga Ampatuan?
Masyadong kinupkop at inispoil ni GMA ang mga Ampatuan na nagpanalo sa kanya laban kay Fernando Poe Jr. noong 2004 election sa Maguindanao.
Zero si FPJ, na parang dinodiyos ng mga Muslim, sa Maguindanao. 

Paalam, kapwa namin mamamahayag

YAN lamang ang aming maibabahagi, mula rito sa Bandera, sa paghahatid sa huling hantungan sa General Santos City, sa kapwa namin mamamahayag na pinaslang noong Nob. 23 sa Ampatuan, Maguindanao.
Makapanindig-balahibo ang isipin na daan-daang katao ang sumama sa convoy na kinabilangan ng 60 sasakyan, di kasama ang mga motor, para ihatid ang mga labi ng walong mamamahayag sa kanilang himlayan.
Paalam Marife Montaño, Gina de la Cruz, Marites Cablitas, Leah Dalmacio, Ian Subang, Russel Morales, Ronnie Perante at Robillo Bataluna.
Ang pabaon naming mga buhay para sa inyo: ang walang tigil na pagsusulat at pamamahayag para makamit ninyo ang katarungan.

LITO BAUTISTA, Executive Editor
BANDERA, 120409

Kakaibang martial law

KAKAIBANG martial law ang Proclamation 1959.  Sa martial law ni Gloria, na idineklara lamang sa isang lugar na balewala ang buhay ng tao at wala nang gobyerno, malayang dumadakdak ang mga komunista, may trabaho pa ang mga mamamahayag (bukas ang lahat ng pahayagan, pati na ang hao shao, at mga istasyon ng radyo at telebisyon), walang curfew, mas matatapang pa magsalita ang mga kalaban ng pangulong babae na ay maliit pa (kaya paboritong bugbugin kahit na ng mga macho), nakabantay sa mga sundalo’t pulis ang mga sandigan (kuno) ng karapatang pantao (pero hindi nila kinokondena ang mga pamamaslang ng New People’s Army, Abu Sayyaf, Moro Islamic Liberation Front, Moro National Liberation Front, at maging ang “pagbura” ng mga warlords sa kanilang mga kaaway), at, higit sa lahat, bukas ang Senado, Kamara at mga hukuman.

Nagsakit-sakitan lang ang matandang Ampatuan

IPINOPROTESTA ni Maguindanao Gov. Andal Ampatuan Sr. at ng kanyang kamag-anakan ang pagkakalipat niya sa military hospital sa loob ng kampo galing ng Davao Doctors Hospital. Na-ospital ang matandang Ampatuan matapos niyang inireklamo ang pananakit ng dibdib matapos siyang arestuhin sa kanyang mansion sa Maguindanao. Huwag sanang maniwala ang mga awtoridad na ilipat si Ampatuan muli sa Davao Doctors o sa St. Luke’s Medical Center sa Maynila dahil nag-aarte lang yan. Sumakit ba ang kanyang dibdib matapos niyang mabalitaan ang pagkakapatay ng 57 katao, kabilang ang 30 journalists, sa Ampatuan, Maguindanao? Kung mamatay ang matandang Ampatuan dahil sa kanyang pagkukunwaring siya’y may sakit, problema na niya yun. Kung ang ibang detainee o preso na tunay na may karamdaman ay hindi pinapaospital at hinahayaan na lang mamatay sa kulungan, bakit naman kailangang ipaospital si Ampatuan na nag-aaarte lamang?

Gusto mo ng martial law?

MAGUINDANAO residents welcome government forces. INQUIRER

SA labas ng Maguindanao, mas maiingay ang ayaw sa martial law kesa gusto.  Bakit ganoon?  Tahimik ang gusto at maiingay ang ayaw.
Sa Maguindanao, gusto na nila ang martial law dahil nakapagsasalita na sila laban sa mga “halal” na opisyal na nagpahirap sa kanila.  Gusto na nila ang martial law dahil nahuhukay na ang daan-daang armas at libu-libong mga bala na ginamit sa paninikil ng kanilang mga karapatan at para mapatahimik sila ng napakatagal na panahon.  Gusto na nila ang martial law dahil ngayon lamang nila nababatid ang tunay na nangyayari at mga katotohanan sa likod ng mapagbalatkayong pamamahala. 

Bugbugin si GMA, di ang martial law

MALINAW na si Pangulong Arroyo ang gustong umugin ng oposisyon, pati na ang mga kongresistang Muslim na sa tagal ng panahon sa Kamara ay walang nagawa para mabawasan ang bilang ng malalakas na armas sa Mindanao (may kasabihan na mas gusto pa ng Moro na kasiping ang baril kesa asawa), walang nagawa para malansag ang Abu Sayyaf at mga armadong grupo; at mas lalong walang nagawa para paunlarin ang kanilang kabuhayan at iangat ang mahihirap sa lusak.