Umpisa na ng bolahan

Lito Bautista, Executive Editor

ANG rally ng mga batang kontra-bola sa labas ng Comelec sa Intramuros, Maynila. AP

O HAYAN, simula na ng kampanya para sa national candidates. Siguro naman, sa tagal ng kanilang mga infomercials ay napag-aralan mo na kung tama nga ang mga ito, o binobola na naman ang mahihirap?  Pinagsasamantalahan na naman ang kakulangan ng kanilang edukasyon (pati na ang mga di nakapag-aral).  Sa dami ng iyong napanood na infomercial, pati ba ikaw ay naakit na ng kahit isa man sa kanila?  O hindi kaakit ang mga infomercials na ito, kaya naman parang may hinahanap ka pa?

Ang pamumulitika ni Nograles; payo ni Honasan kay Lacson: “Mag disguise ka”; atbp.

Target ni Tulfo by Mon Tulfo

PARANG may diperensiya sa utak itong si Archbishop-emeritus Oscar Cruz dahil sa kanyang pahayag na kaya sumibat si Ping Lacson sa bansa ay dahil di patas ang hustisya sa bansa.
Hindi na inisip ni Cruz ang mga naging biktima ng pagdukot at paspaslang na sina PR man Bubby Dacer at ang kanyang drayber na si Emmanuel Corbito.
Parang sinabi ni Cruz na walang kuwenta ang buhay nina Dacer at Corbito.
At dahil wala namang kuwenta ang buhay nila, okay lang kung tumakas ang principal na akusado sa kanilang pagdukot at pagpaslang.
Parang hindi alagad ng Diyos itong si Cruz sa kanyang mga binibitiwang salita.
Noong palagi pa niyang binabanatan si First Gentleman Mike Arroyo pati yung paghahanda ni FG ng kanyang birthday sa Malakanyang ay pinuna ni Archbishop Cruz.

Natipalok si Jamby

Lito Bautista, Executive Editor

NARINIG mo na ba kung sa isang segundo lang ay lahat ng nasa loob ng UP Theater sa Diliman, Quezon City ay biglang sisigaw ng “Boo!”?
Puno ng tao ang teatro at kung lahat ay sabay-sabay na sisigaw ng boo (marahil, pati ikaw na nanonood ng Philippine Daily Inquirer 1st Edition The Presidential Debate ay mapapasigaw na rin), baka masaktan ang tenga mo.
Ito ang nangyari nang tanungin si Sen. Jamby Madrigal, kandidato pagka-presidente, kung magkano na ang kilo ng galunggong at itlog na maalat ngayon.

BANDERA “One on One”: Dennis Trillo

Ervin Santiago, Entertainment Editor

KUNG pagiging kontrobersiyal din lang ang pag-uusapan, hindi magpapahuli diyan si Dennis Trillo. Mula noong magsimula siya sa showbiz hanggang sa sumikat na siya nang todo bilang isang ipinagmamalaking leading man ng Kapuso network, ay hindi na siya tinantanan ng mga intriga at iskandalo.
Pero maipagmamalaki naman ni Dennis na mula noong magsimula siya bilang isang aktor sa ABS-CBN ay napakalayo na rin ng narating niya. May mga acting awards na ring naiuwi si Dennis mula sa iba’t ibang award-giving bodies. Kaya hindi mo mamemenos ang kanyang pagiging tunay na artista.
Pero sigurado kaming may mga bagay-bagay pa kayong hindi nalalaman tungkol kay Dennis at ‘yan ang inusisa namin sa kanya nu’ng magkaroon kami ng chance na maka-chika siya one-on-one kamakailan.
Alam n’yo bang walang lovelife ngayon ang aktor, pero ang tanong, may sex life ba siya? At sino nga ba itong award-winning veteran actress na gustung-gusto niyang makasama sa isang project? Narito ang aming pakikipagchikahan kay Dennis, basahin natin.

Walang laban si Lacson?

BANDERA Editorial

“WALA siyang laban.”
Yan ang bukambibig ni Archbishop-emeritus Oscar Cruz sa pagsibat ni Sen. Panfilo Lacson para makaiwas sa dalawang kasong murder.
Kapag kinasuhan ka ng dalawang murder, ginigipit ka ba?  Kapag sa tingin ng taga-usig ay may ebidensiya, base na rin sa reklamo at mga nagrereklamo, pati na ang corpus delicti, na di napasubalian sa imbestigasyon, ginigipit ka ba?
Yan ang paniwala ng sugo ng Diyos.  Ginigipit si Lacson.  Na sa kanyang pahiwatig ay huwag nang hayaang umikot ang gulong ng hustisya at sagasaan kung sino man ang sasagasaan.

Mga artista muli sa Senado?

Lito Bautista, Executive Editor

TAUMBAYAN, ikaw ang magpapasya.  Hayan na naman ang pasabog ng survey (binabayaran ang survey at di yan taos sa puso.  Sa madaling salita, hanapbuhay yan.  At kung hanapbuhay, marami ang yumayaman, habang tayong sumusubaybay sa survey ay naghihirap).
Nangunguna na naman ang mga artista na kumakandidato sa Senado.  Sina Bong at Jinggoy na naman ang nangunguna.  Pasok din sina Vicente Sotto III at Manuel Lapid.

Trillanes, gumasta ng P17.28M sa kulungan; Top Senatoriables; atbp.

Target ni Tulfo by Mon Tulfo

MALAPIT nang abutan ni Sen. Manny Villar si Sen. Noynoy Aquino sa surveys ng mga “presidentiables.”
Hindi lang dahil mas maraming perang panggastos sa TV at radio commercials si Villar, kaya’t malapit nang maunahan ni Villar si Aquino sa surveys.
Isa pang dahilan ay yung C-5 road controversy kung saan ay ginigisa ng kampo ni Senate President Juan Ponce Enrile si Villar dahil sa diumano ay kumita ang real estate company ng bilyonaryong senador.
Mali sa tayming sina Enrile dahil election season na ngayon. Kahit pa sila’y tama sa paglantad ng anomalya na kinasasangkutan diumano ni Villar, sa paningin ng taumbayan ay politika lang ang dahilan.

Lagim, delubyo, sakuna darating

Ni JOSEPH GREENFIELD
Resident psychic
(Noong 2009, nahulahaan ni Joseph Greenfield ang pagdating, sa eksaktong araw at petsa, ng mga bagyong Ondoy at Pepeng at ang iniwang mga patay nito; at ang pag-aalburoto ng Mayon sa huling bahagi ng taon. —ed)

Ayaw maniwala sa survey

ni Lito Bautista, Executive Editor

"Survey? Tinanong niyo na ba talaga ang taumbayan?"

PAKINGGAN din naman natin ang mga naiinis at di naniniwala sa mga survey.  Number one sa mga survey sina Ramon Mitra at Jose de Venecia Jr., noon.  Pero, tinalo sila nina Fidel Ramos at Joseph Estrada.  Simula nang tawagin ni Luis Singson na “False Asia” ang Pulse Asia, at ipaliwanag kung bakit niya tinawag ang kompanya ng ganito, nawala sa survey si Singson at wala na ring di magagandang ibinalita ang kompanya kay Singson.
Parating lagapak si Pangulong Arroyo sa survey. 

Jammers di kayang guluhin ang eleksyon, pero…

ni Lito Bautista, Executive Editor

NANANAKOT ba ang Commission on Elections nang ihayag nila na may 5,000 units ng cell phone jammers ang nakapasok sa bansa?
Sa pahayag ng Comelec, parang ngayon lang nagkaroon ng cell phone jammers na maaaring gamitin para hindi makapag-transmit ng resulta ng halalan.  Dahil kayang barahin ng jammer ang ipadadalang resulta mula sa mga presinto patungo sa main office nito.

Ping, magpakalalaki ka

BANDERA Editorial

NGAYON ang panahon para ipakita ni Sen. Panfilo Lacson na lalaki siya, na tunay siya, na matapang siya (tulad ng pagkakakilala sa kanya ng mga dating tauhan niya sa PAOCTF at sa National Police bilang director general nito).
Alisin natin ang politika, pero may punto Edu Manzano para hamunin si Lacson na umuwi na at harapin ang kanyang kasong double murder sa umano’y pagkidnap at pamamaslang kina Salvador “Bubby” Dacer at Emmanuel Corbito.

Buhay team manager

Lucky Shot ni Barry Pascua

KUNG inaakala ng karamihan na madali lang ang trabaho ng isang team manager sa basketball, nagkakamali sila!
Hindi lang tagaayos ng kontrata at tagabigay ng suweldo at bonus ang papel ng isang manager sa basketball. Mahigit pa roon ang kanyang responsibilidad.
Hingahan siya ng sama ng loob ng mga players at pati na rin ng coach. Kadalasan, siya ang nag-aayos ng ganitong klaseng problema pang-basketball man o personal na buhay. Siya ang middleman sa team at sa upper management. Kailangan na tiyakin niya na “everybody happy” bago ang isang game o kahit na pagkatapos ang isang game, manalo man o matalo ang kanyang koponan.

Girlalu pwede nang mag-CR sa Edsa

Dona Policar, News Editor

YEHEY ba sa mga kababaihan dahil may tatlong female urinals na ang binuksan ng Metro Manila Development Authority kaninang umaga sa tatlong lugar sa Edsa.  Isa rito ay ang MRT station sa Ortigas avenue, ang isa naman ay sa provincial bus stop sa may Edsa at Quezon avenue.

Ping, Ivler ginigipit? Ows!

Lito Bautista, Executive Editor

HINDI magkakilala sina Sen. Panfilo “Ping” Lacson at Jayson Ivler.  Pero, kapwa nila alam ang pandaigdigang awit na “Anak.”  Pareho din namang anak sina Ping at Jayson ng kanilang mga ina.
Kapwa nasasangkot sila sa mga kasong murder.  Pero, bakit ganoon?  Pareho ang katuwiran ng kanilang mga kampo?  Ginigipit lang daw sina Ping at Jayson kaya sinampahan ng mga kasong murder.  Puwede bang dahilan ang “panggigigipit?”